Fuolahusásodagat

Fuolahusásodat lea ásodat mii lea heivehuvvon doaibmavádjigiidda ja heivehuvvon nu ahte ássi galgá sáhttit oažžut birra jándora fuolahusa dárbbu mielde. Ásodat lea ássi iežas ruoktu. Ássi máksá viessoláiggu ja oažžu seammalágán ruovttubálvalusaid go earát geat orrot ruovttuin.

Boarrásat, buohccit, doaibmavádjigat ja earát

Suohkan juolluda fuolahusásodaga njuolggadusaid mielde.

Dát ii leat láhkageatnegas bálvalus. Orrun fuolahusásodagas biddjo viessoláigošiehtadusa mielde, gč. viessoláigolága. Fuolahusásodaga juohkin mearriduvvo ovttaskas olbmo mielde daiguin vuoigatvuođaiguin ja geatnegasvuođaiguin mat čuvvot hálddahuslága.

Husleieloven
Forvaltningsloven
Verdighetsgarantiforskriften

Sáhtát váldit oktavuođa suohkaniin oažžun dihte veahki ohcat fuolahusásodaga, dahje sáhtát earáin bivdit veahki jus dan dárbbahat. Jus soames eará ohca du ovddas, de ferte sus leat fápmudus dasa.

Suohkan galgá viežžat dárbbašlaš dieđuid vai sáhttá mearridit ášši. Dasto dahkko mearrádus. Dábálaččat oaččut ákkastallama oktan mearrádusain. Oaččut álo ákkastallama jus sáhttá jurddahit ahte it šatta duhtavaš mearrádusain. Jus ákkastallan ii čuovo mielde, de sáhtát oažžut dan go válddat oktavuođa suohkaniin ovdal váidináigemeari.

Suohkan galgá meannudit ášši nu jođánit go vejolaš. Jus ášši ii sáhte mearriduvvot mánu sisa, de galggat oažžut čálalaš dieđu oktan ákkastallamiin dan birra. Galggat maid oažžut dieđihuvvot goas vurdo ahte ášši mearriduvvo.

Jus it leat duhtavaš mearrádusain, de sáhtát váidit suohkanii áigemeari siskkobealde, mii lea golbma vahku dan rájes go ožžot mearrádusa. Čilge mainna it leat duhtavaš ja manne oaivvildat ahte ferte rievdadit mearrádusa. Jus dárbbahat bagadallama, de váldde suohkaniin oktavuođa. Jus suohkan doalaha mearrádusas, de sáddejuvvo ášši viidáseappot suohkana váiddalávdegoddái, mii mearrida galgágo váidaga váldit vuhtii.